Ndonëse u lanë jashtë listave për deputetë në zgjedhjet parlamentare të 2017-ës, shumë prej figurave me kontribut në Partinë Demokratike mund të jenë pjesë e përzgjedhjes si kandidatë përmes procesit të ri ?një anëtar, një votë?.<br /><br />Sekretari i Përgjithshëm, Gazment Bardhi thotë se askush nuk do të jetë i paragjykuar nëse anëtarësia apo kryesia do të propozojë për të qenë në listën e kandidatëve për deputetë në zgjedhjet parlamentare të 2021.<br /><br />?Asnjë individ s?do jetë i paragjykuar. S?dua të hyj në emra konkretë pasi PD nuk lidhet me emra të përveçëm?.<br /><br />Bardhi pohon se shumë prej themeluesve të Partisë Demokratike janë ftuar për të dhënë kontributin e tyre, mes të cilëve edhe Genc Ruli e Besnik Mustafaj.<br /><br />?Basha është në kontakt me drejtues, ish-themelues, të marrin detyra e funksione të rëndësishme, por s?ka ende asnjë vendimmarrje. Fati që një individ humbi një ofiq s?do me thënë se PD është e përçarë.?<br /><br />Por a e afekton procesi ?një anëtar, një votë? përfshirjen e aleatëve të opozitës në listat e kandidatëve për deputetë, ndonëse disa prej tyre janë shprehur se do të garojnë më vete.<br /><br />?Kjo çështje do diskutohet kur të firmosen marrëveshjet mes koalicioneve dhe s?ka të bëjë fare me procesin e brendshëm, kam dëgjuar që disa do dalin më vete, por s?ka lidhje si proces?.<br /><br />Duke nisur nga dje, demokratët kanë nisur fushatën zgjedhore dhe përgatitja me burime njerëzore është faza e parë në betejën për zgjedhjet e radhës, që sipas opozitës duhet të mbahen paralelisht me ato lokale.<br /><br />?Ju e dini qëndrimin tonë dhe 15 kushtet e BE, Shqipëria duhet të respektojë Kushtetutën dhe qeveria lokale është në paligjshmëri. Kemi besim të plotë tek Gjykata Kushtetuese?.<br /><br />Demokratët presin ta përmbyllin procesin e brendshëm të kandidatëve për deputetë brenda muajit Shtator, ku për herë të parë lista do të kalojë nga filtri i një komisioni që do të bëjë edhe përzgjedhjen e propozimeve të anëtarësisë.<br /><br />Sipas selisë blu, ky proces është përshëndetur edhe nga fondacioni i konservatorëve britanikë, që e ka quajtur jetik për demokracinë dhe model për rajonin.<br /><br />Tv KlanSUBSCRIBE to ?RTV KLAN? on YouTube for more videos!<br /><br />Për më shumë informacione vizitoni faqen tonë web https://tvklan.al/<br />Videot e fundit nga Tv Klan i gjeni në faqen https://tvklan.al/video/<br />Follow Tvklan on Facebook: https://www.facebook.com/tvklan/<br />Follow rtvklan on Instagram: https://www.instagram.com/rtvklan/<br />Programet e Tv Klan mund t?i ndiqni edhe në faqen https://tvklan.al/programe/
